«Չելսիի» պաշտպան Տրևո Չալոբան շարունակում է մնալ «Բավարիայի» կենտրոնական պաշտպանությունն ուժեղացնելու գլխավոր թեկնածուներից մեկը։ Այս մասին հայտնել է լրագրող Ֆլորիան Պլետենբերգը X սոցցանցում (նախկինում՝ Twitter):
Աղբյուրի համաձայն՝ «Բավարիան» ձմեռային տրանսֆերային պատուհանի ընթացքում կփորձի բանակցել ֆուտբոլիստի տրանսֆերի շուրջ լոնդոնյան ղեկավարների հետ: Գերմանիայի չեմպիոնները ցանկանում են վարձակալության տարբերակով համաձայնության գալ՝ հետագայում գնելու տարբերակով։ Ակումբների միջև այս պահին բանակցություններ չեն եղել։ Նշվում է, որ ֆուտբոլիստը պատրաստ է միանալ մյունխենյան թիմին:
Անցած մրցաշրջանում Չալոբան «Չելսիի» կազմում անցկացրել է 33 հանդիպում բոլոր մրցաշարերում, որոնցում գոլեր չի խփել։ Ֆուտբոլիստի պայմանագիրը լոնդոնյան ակումբի հետ ուժի մեջ է մինչև 2028 թվականի հունիսի վերջը։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 18 մլն եվրո։
