Լևերկուզենի «Բայերի» գլխավոր մարզիչ Խաբի Ալոնսոն Մադրիդի «Ռեալի» մարզչի առաջնահերթ թեկնածուն է Կառլո Անչելոտտիի հեռանալուց հետո, ում պայմանագրի ժամկետը լրանում է մրցաշրջանի վերջում։
Ըստ Cadena SER-ի տեղեկությունների՝ Ալոնսոյի աշխատանքը Լևերկուզենի «Բայերի» ղեկին վերջին մեկ տարվա ընթացքում տպավորել է Մադրիդի «Ռեալի» ղեկավարությանը։
Իսպանացին այժմ այն թիմի մարզիչ դառնալու ֆավորիտ է, որի կազմում նախկինում հանդես է եկել որպես ֆուտբոլիստ։
Նշենք, որ Մադրիդի «Ռեալի» մարզչի մեկ այլ թեկնածու Ռոբերտո դե Զերբին է «Բրայթոնից»։ Նշվում է, որ «արքայական» ակումբի ներկայիս մարզիչ Կառլո Անչելոտտին մրցաշրջանի ավարտից հետո կգլխավորի Բրազիլիայի հավաքականը։
