Մադրիդի «Ատլետիկոյի» հարձակվող Անտուան Գրիզմանը մեկնաբանել է Լա լիգայի 6-րդ տուրում Մադրիդի «Ռեալի» նկատմամբ տարած հաղթանակը (3:1).
«Ես խաղում եմ ավելի մոտ մրցակցի տուգանային հրապարակին, որտեղ կարող եմ առավելագույնը անել, բայց երբեմն դա այն չէ, ինչ պետք է թիմին: Երբեմն դուք պետք է իջնեք ավելի խորքր, որպեսզի օգնեք թիմին:
Սա մեծապես կախված է Սիմեոնեից։ Ես թիմային ֆուտբոլիստ եմ և փորձում եմ ամեն ինչում օրինակ լինել։ Երբեմն պետք է ավելի խորը խաղալ՝ գնդակներ հանելով սեփական տուգանային հրապարակից: Ինձ համար դա բնական է, ես տեսնում եմ, որ ընկերներս աշխատում են պաշտպանության վրա, և ես չեմ կարող նրանց չօգնել։
Առաջին խաղակեսում մենք շատ լավ էինք գործում հարձակման վրա: Ընդմիջումից հետո մենք ավելի լավ խաղացինք, և դա օգնեց մեզ խփել երրորդ գոլը։
Մարզումների ժամանակ մենք տեսնում ենք, որ ավելի լավ ենք խաղում գնդակով, և դա մեզ վստահություն է հաղորդում: «Վալենսիայի» հետ խաղում (0:3) տեղի ունեցածը դժբախտություն էր։
Ես գրեթե լաց էի լինում գոլը խփելուց հետո, ուրախ եմ և հպարտ, որ խաղում եմ այստեղ: Ես մտքումս ասացի՝ ամեն ինչ կտամ, որպեսզի նորից լսեմ իմ մասին վանկարկումները»,- Գրիզմանի խոսքերն է մեջբերում Marca-ն։
