«Նյուքասլի» կիսապաշտպան Սանդրո Տոնալին պատասխանել է «Միլան» հնարավոր վերադարձի մասին հարցին, որը նա լքել է ամառային տրանսֆերային պատուհանի ժամանակ։
«Ես կվերադառնա՞մ «Միլան»: Չգիտեմ։ Միգուցե դա տեղի ունենա, գուցե ոչ: Ֆուտբոլն անկանխատեսելի բան է։ Այնուամենայնիվ, ես չեմ հրաժարվում հնարավոր վերադարձից։
Չեմ կարող և չեմ ուզում թաքցնել իմ ջերմ զգացմունքներն այս ակումբի հանդեպ»,- Ֆաբրիցիո Ռոմանոն իր սոցցանցերում հայտնում է կիսապաշտպանի խոսքերը։
Նախօրեին «Նյուքասլը» Չեմպիոնների Լիգայի խմբային փուլում արտագնա հանդիպում է անցկացրել «Միլանի» հետ։ Հանդիպումն ավարտվել է ոչ-ոքի՝ 0։0 հաշվով։
