«Միլանի» հարձակվող Օլիվյե Ժիրուն, ամենայն հավանականությամբ, կկարողանա մասնակցել «Ինտերի» հետ դերբիին՝ Ֆրանսիայի հավաքականում ստացած վնասվածքից հետո, հայտնում է Football Italia-ն։

36-ամյա հարձակվողը փոխարինվել է Եվրո-2024-ի ընտրական փուլի Իռլանդիայի հետ հանդիպման (2:0) 26-րդ րոպեին, որից հետո լքել է ազգային թիմը և անհատական ​​ծրագրով մարզվել «ռոսոներիների» բազայում։ Սակայն իտալական լրատվամիջոցները վստահ են, որ ֆրանսիացին պատրաստ կլինի Ա Սերիայի չորրորդ տուրի «Ինտերի» հետ հանդիպմանը։

Ինտեր – Միլան հանդիպումը կկայանա սեպտեմբերի 16-ին Միլանում՝ «Ջուզեպպե Մեացցա» մարզադաշտում։