«Մանչեսթեր Սիթիի» կենտրոնական պաշտպան Ռուբեն Դիաշը գնահատել է Սաուդյան Արաբիայի առաջնության մակարդակը։
Պորտուգալացին կարծում է, որ ֆուտբոլի գրավչությամբ Եվրոպան դեռ առաջ է մյուս մայրցամաքներից։
«Ինձ համար ակնհայտ է, որ Եվրոպան դեռևս աշխարհի ամենամրցունակ ֆուտբոլն ունի: Իհարկե, չի կարելի ժխտել, որ Սաուդյան Արաբիայի առաջնությունը որակական առումով նկատելիորեն բարելավվել է, քանի որ շատ բարձրակարգ ֆուտբոլիստներ են տեղափոխվել այնտեղ»,- նշել է Դիաշը։
Հիշեցնենք, որ այժմ Սաուդյան Արաբիայում հանդես են գալիս այնպիսի աստղեր, ինչպիսիք են Կրիշտիանու Ռոնալդուն, Նեյմարը, Կարիմ Բենզեման և շատ ուրիշներ։
