«Բրայթոնի» գլխավոր մարզիչ Ռոբերտո դե Զերբին անձամբ է հետաքրքրված կատալոնական «Բարսելոնայի» հարձակվող Անսու Ֆատիի ծառայություններով, հայտնում է լրագրող Ֆերան Մարտինեսը։

Աղբյուրի տեղեկություններով՝ մասնագետը զանգահարել է 20-ամյա հարձակվողին ու համոզել նրան տեղափոխվել անգլիական ակումբ։ Մասնագետը հայտնել է, որ ֆուտբոլիստը կդառնա թիմի կարևոր մասը։

Անցած մրցաշրջանում Ֆատին բոլոր մրցաշարերում 51 հանդիպում անցկացրեց «Բարսելոնայի» կազմում՝ դառնալով 10 գոլի և 4 գոլային փոխանցման հեղինակ: Transfermarkt-ը ֆուտբոլիստի արժեքը գնահատում է 35 միլիոն եվրո։