Տեսանյութ է հայտնվել, որում երևում է, թե ինչպես է իսպանացի ֆուտբոլիստ Ջենիֆեր Էրմոսոն ժպտում և համբուրում է Իսպանիայի ֆուտբոլի թագավորական ֆեդերացիայի (RFEF) նախագահ Լուիս Ռուբիալեսի հետ համբույրի լուսանկարը:
Այս տեսանյութը հրապարակել է լրագրող Ալվիս Պերեսը։ Այն նկարահանվել է Իսպանիայի կանանց հավաքականի ավտոբուսում։ Տեսանյութում Էրմոսոն ծիծաղում է, երբ խոսում է Ռուբիալեսի համբույրի մասին։ Հետո թիմի բոլոր ֆուտբոլիստները սկսում են բղավել «համբույր»։
Ավելի վաղ ֆուտբոլիստը հայտարարություն էր տարածել՝ Ռուբիալեսին մեղադրելով ստելու մեջ և հավելել, որ իրեն դուր չի եկել այս միջադեպը։
Օգոստոսի 20-ին Իսպանիայի կանանց հավաքականն իր պատմության մեջ առաջին անգամ դարձավ աշխարհի չեմպիոն՝ մրցաշարի եզրափակչում հաղթելով Անգլիային (1:0): Տոնակատարության ժամանակ Ռուբիալեսը համբուրեց Էրմոսոյի շուրթերը։
Օգոստոսի 25-ին Ռուբիալեսը հայտարարեց, որ սխալվել է, բայց չի պատրաստվում հրաժարական տալ։ Նախկինում նա հայտարարել էր, որ իր և մարզիկի համբույրը եղել է փոխադարձ համաձայնությամբ։
Իսպանիայի դատախազությունը հետաքննություն է սկսել Ռուբիալեսի կողմից սեռական բռնության գործով։ ՖԻՖԱ-ն ծրագրում է նաև Ռուբիալեսին հեռացնել ֆուտբոլից 15 տարով։
