Մադրիդի «Ռեալի» գլխավոր մարզիչ Կառլո Անչելոտտին արձագանքել է այն փաստին, որ թիմի հարձակվող Վինիսիուս Ժունիորը չի ընդգրկվել ՈՒԵՖԱ-ի 2022/23 մրցաշրջանի լավագույն ֆուտբոլիստի մրցանակի լավագույն եռյակում, որում ընդգրկված են Կևին դե Բրույնեն, Էրլինգ Հոլանդը և Լիոնել Մեսսին։
«Ինձ համար Վինիսիուսն աշխարհի լավագույն ֆուտբոլիստներից մեկն է, եթե ոչ լավագույնը: Եվ սա ավելի քան բավարար է։ Ֆուտբոլային աշխարհում ինձ այլևս ոչինչ չի զարմացնում։
Ես ոչ մի բացատրություն չունեմ այն փաստի համար, որ նա եզրափակչի լավագույն եռյակում չէ։ Դա ինձ և Վինիսիուսի համար նշանակություն չունի։ Բոլորը գիտեն, թե որքան լավն է նա, և նրան պարզապես պակասում է կայունությունը»,- Անչելոտտիի խոսքերն է մեջբերում Marca-ն։
