Իսպանիայի և Մադրիդի «Ռեալի» նախկին ֆուտբոլիստ Գուտին կարծիք է հայտնել իսպանական ակումբի նորեկ Ջուդ Բելինգհեմի մասին։
«Բելինգհեմը ժամանակակից ֆուտբոլի ամենաարդյունավետ ֆուտբոլիստն է: Հրաշալի է, որ նա թիմում էր, երբ չկան Բենզեման ու Մբապպեն»,- Գուտիի խոսքերն է փոխանցում AS-ը։
20-ամյա կիսապաշտպանը «Ռեալին» միացել է այս ամառ Դորտմունդի «Բորուսիայից»։ Նրա տրանսֆերի համար իսպանական ակումբի ղեկավարությունը վճարել է 103 մլն եվրո։
Մադրիդի «Ռեալի» կազմում իր դեբյուտային խաղում անգլիացին դարձել է գոլի հեղինակ։
