ՊՍՎ-ի կիսապաշտպան Իբրահիմ Սանգարեն կարող է կարիերան շարունակել ՊՍԺ-ում, հաղորդում է լրագրող Ֆաբրիս Հոքինսը։
Աղբյուրի համաձայն՝ Նեյմարի և Մարկո Վերատիի հնարավոր հեռանալու դեպքում փարիզյան ակումբը ցանկանում է ձեռք բերել Սանգարեին 37 միլիոն եվրոյով:
Ավելի վաղ հաղորդվում էր, որ «Բավարիան» հետաքրքրված է 25-ամյա կոտդիվուարցի կիսապաշտպանի ձեռքբերմամբ։
Անցած մրցաշրջանում Սանգարեն ՊՍՎ-ի կազմում անցկացրել է 45 հանդիպում բոլոր մրցաշարերում՝ դառնալով 8 գոլի հեղինակ։ Նրա գործող պայմանագիրը հոլանդական ակումբի հետ նախատեսված է մինչև 2027 թվականի հունիսի 30-ը։
