«Ալ-Նասրի» հարձակվող Կրիշտիանու Ռոնալդուն սոց․ցանցերում գրառում է հրապարակել՝ նվիրված Արաբական Չեմպիոնների գավաթում սաուդյան ակումբի հաղթանակին։
Շաբաթ օրը կայացած եզրափակչում «Ալ-Նասրը» լրացուցիչ ժամանակում հաղթեց «Ալ-Հիլալին» 2:1 հաշվով: Երկու գոլերն էլ խփել է Ռոնալդուն 74-րդ և 98-րդ րոպեներին:
«Շատ հպարտ եմ, որ օգնեցի թիմին առաջին անգամ նվաճել այս կարևոր գավաթը: Շնորհակալ եմ ակումբում գտնվող բոլորին, ովքեր այս մեծ նվաճման մի մասն էին, ինչպես նաև ընտանիքիս և ընկերներիս, որ միշտ իմ կողքին են: Ֆանտաստիկ աջակցություն մեր երկրպագուներից: Սա նույնպես ձեզ է պատկանում»։
