Թուրինի «Յուվենթուսի» պաշտպան Լեոնարդո Բոնուչին փորձել է օրինական կերպով վերականգնել իր կարգավիճակը թիմում։ Այս մասին հայտնում է Tuttosport-ը։
Աղբյուրի համաձայն՝ «Յուվենթուսը» մի քանի անգամ Բոնուչիին տեղեկացրել է նախորդ մրցաշրջանի ընթացքում, որ ակումբն այլևս հույսեր չի կապում նրա հետ, որպեսզի պաշտպանը ժամանակ ունենա նոր թիմ գտնելու համար։ Ֆուտբոլիստն անտեսել է բոլոր զգուշացումները՝ հույս ունենալով շտկել իրավիճակը։
«Յուվենթուսը» Բոնուչիին առաջարկել է մեծ հրաժեշտ կազմակերպել, ինչպես դա արել էր Ջորջիո Կյելինիի համար, սակայն ֆուտբոլիստը հույս ուներ, որ գլխավոր մարզիչ Մասիմիլիանո Ալեգրիի հնարավոր հեռացումը կբարելավի նրա դերը թիմում։ Բոնուչին նույնպես չի ցանկանում հրաժարվել թուրինյան ակումբի հետ պայմանագրից։
Բոնուչին դիմել է փաստաբաններին, որոնց միջոցով փորձել է փոխհատուցում ստանալ «Յուվենթուսից» 2 միլիոն եվրոյի չափով պայմանագրի խզման համար, որը նախատեսված է ևս մեկ մրցաշրջանի համար։ Պաշտպանը նաև հեռացրել է ակումբի մասին բոլոր հիշատակումները իր սոցիալական ցանցերից։
