«Բավարիայի» եզրային հարձակվող Լերոյ Սանեն չի ցանկանում տեղափոխվել «Բարսելոնա»՝ փոխարինելու Ուսման Դեմբելեին, ով շուտով կդառնա ՊՍԺ-ի ֆուտբոլիստ, հայտնում է Bild-ը։
Աղբյուրի համաձայն՝ ֆուտբոլիստը մտադիր է մնալ «Բավարիայում» և չի դիտարկում կարիերան Իսպանիայում շարունակելու տարբերակը։
Transfermarkt-ը ֆուտբոլիստի արժեքը գնահատում է 65 միլիոն եվրո։ Նա «Բավարիայում» խաղում է 2020 թվականի ամառվանից։ Դրանից հետո հարձակվողը անցկացրել է 133 հանդիպում, որոնցում խփել է 38 գոլ և կատարել 37 գոլային փոխանցում։
