Դոնեցկի «Շախտյորը» համաձայնել է Չեմպիոնների Լիգայի տնային հանդիպումներն անցկացնել Գերմանիայում, հայտնում է Bild-ը։
Աղբյուրի տեղեկություններով՝ ուկրաինական ակումբը կխաղա Համբուրգի «Վոլսկպարկստադիոն» մարզադաշտում։
Այս մարզադաշտը պատկանում է Երկրորդ Բունդեսլիգայում հանդես եկող տեղի «Համբուրգին»։ Վերջին անգամ մարզադաշտը Չեմպիոնների Լիգայի խաղ է ընդունել 2006 թվականին։
Անցած մրցաշրջանում «Շախտյորը» Չեմպիոնների Լիգայի տնային հանդիպումներ է անցկացրել Վարշավայում: