«Արսենալի» կիսապաշտպան Ժորժինյոյի գործակալ Ժոաու Սանտոսը հաստատել է, որ ֆուտբոլիստը հաջորդ մրցաշրջանում հանդես կգա «զինագործների» կազմում:
Ավելի վաղ հաղորդվում էր «Լացիոյի» կիսապաշտպանի նկատմամբ հետաքրքրության մասին։
«Խոսքը «Լացիոյի» մասին չէ: Կարող եմ հաստատել, որ Ժորժինյոն երջանիկ է «Արսենալում». Հաջորդ մրցաշրջանի մեր ծրագիրը միայն «Արսենալում» մնալն է։ «Լացիոյի» հետ բանակցություններ չկան»,- ասել է Սանտոսը TV Play-ին:
Ժորժինյոն «Արսենալ» է տեղափոխվել 2023 թվականի ձմռանը՝ «Չելսիից»: «Զինագործների» կազմում անցկացրել է 16 հանդիպում, որոնցում նա 1 գոլային փոխանցման հեղինակ է դարձել։
