Բիլբաոյի «Ատլետիկի» նախկին գլխավոր մարզիչ Մարսելինոն կարիերան կշարունակի «Մարսելում», հայտնում է RMC Sport-ը։
Նշվում է, որ ակումբն ու իսպանացի մասնագետը պայմանավորվել են պայմանագրի շուրջ։ Բանակցություններն ավարտական փուլում են, կողմերը փորձում են կարգավորել վերջին մանրամասները։
Մարսելինոն իր մարզչական կարիերայի ընթացքում աշխատել է նաև այնպիսի ակումբներում, ինչպիսիք են «Սևիլիան» (2011-2012), «Վիլյառեալը» (2013-2016) և «Վալենսիան» (2017-2019):
