«Մանչեսթեր Յունայթեդը» պատրաստ է այս ամառ բաժանվել ակումբի կիսապաշտպան Սքոթ ՄաքԹոմինայից։

Ինչպես հայտնում է Talksport-ը, շոտլանդացին թույլտվություն է ստացել ղեկավարությունից՝ նոր թիմ փնտրելու համար:

Ավելի վաղ հաղորդվում էր, որ ՄաքԹոմինեյի տրանսֆերի համար պայքարում ֆավորիտը Լոնդոնի «Վեսթ Հեմն» է, որն արդեն փոխարինող է փնտրում իր հենակետային կիսապաշտպանին ու ավագ Դեկլան Ռայսին։ Հիշեցնենք, որ անգլիացին այժմ մոտ է Լոնդոնի «Արսենալ» տեղափոխվելուն:

ՄաքԹոմինեյը վերջին մրցաշրջաններում քիչ խաղային պրակտիկա է ստացել՝ համեմատած նախորդ մրցաշրջանների հետ:

Ֆուտբոլիստն այլևս ներառված չէ գլխավոր մարզիչ Էրիկ տեն Հագի ծրագրերում։