Մադրիդի «Ռեալի» կիսապաշտպան Տոնի Կրոսը երկարաձգել է պայմանագիրը ակումբի հետ։

Ինչպես հայտնում է մադրիդյան թիմի մամուլի ծառայությունը հունիսի 21-ին, համաձայնագիրը ուժի մեջ է մինչև 2024 թվականի հունիսի 30-ը։

Կրոսը «Ռեալին» է միացել 2014 թվականին։ Թիմի կազմում ինը մրցաշրջաններում 33-ամյա ֆուտբոլիստը նվաճել է 20 տիտղոս՝ 4 Չեմպիոնների Լիգա, 5 Աշխարհի ակումբային գավաթ, 4 ՈւԵՖԱ-ի Սուպերգավաթ, 3 Լա Լիգա, 1 Կոպա դել Ռեյ և 3 Սուպերգավաթ։

Ընդհանուր առմամբ, Կրոսը Մադրիդի «Ռեալի» կազմում անցկացրել է 417 հանդիպում՝ դառնալով 27 գոլի և 89 գոլային փոխանցման հեղինակ։