Չնայած այն հանգամանքին, որ հարձակվող Էդեն Ազարը «Ռեալից» հեռանալուց հետո մտածում էր կարիերան ավարտելու մասին, նա կշարունակի խաղալ, հայտնում է լրագրող Սաշա Տավոլիերին Twitter-ում։
Բելգիացին ցանկանում է տեղափոխվել MLS: Այնուամենայնիվ, Ազարին դեռ ոչ մի ակումբ չի դիմել պաշտոնական առաջարկով:
Հունիսի 3-ին հայտնի դարձավ, որ Մադրիդի «Ռեալը» և 32-ամյա բելգիացին փոխադարձ համաձայնության են եկել 2022/23 մրցաշրջանի ավարտին պայմանագիրը խզելու վերաբերյալ։
Ընդհանուր առմամբ, ֆուտբոլիստը «Ռեալի» կազմում անցկացրել է 76 հանդիպում՝ դառնալով 7 գոլի և 12 գոլային փոխանցման հեղինակ։
«Ռեալի» հետ Ազարը երկու անգամ դարձել է Իսպանիայի չեմպիոն (2019/20, 2021/2022), հաղթել է Իսպանիայի գավաթը 2022/23թթ և երկու անգամ նվաճել Իսպանիայի Սուպերգավաթը (2019/20, 2021/22)։ Բելգիացին, նաև մեկ անգամ հաղթել է ՉԼ-ում:
