Մադրիդի «Ռեալի» նախկին մարզիչ Զինեդին Զիդանը մերժել է ֆրանսիական «Պարի Սեն Ժերմենի» առաջարկը, հայտնում է Le Parisien-ը:
Մի քանի օր առաջ փարիզցիների ղեկավարությունը կրկին դիմել է Զիդանին՝ ՊՍԺ-ի գլխավոր մարզչի պաշտոնից Քրիստոֆ Գալտյեի հեռացումից հետո։
Սակայն, Զիզուն կրկին վճռականորեն հրաժարվել է գլխավորել ֆրանսիական ակումբը։
Զինեդին Զիդանը գլխավորել է Մադրիդի «Ռեալը» 2016-ից 2018 թվականներին և 2019-ից 2021 թվականներին:
Նրա գլխավորությամբ «արքայական ակումբը» նվաճել է 11 գավաթ, այդ թվում՝ երեք անգամ հաղթել Չեմպիոնների Լիգայում։
