«Լիվերպուլը» ցանկացել է գնել Մադրիդի «Ռեալի» կիսապաշտպան Օրելիեն Չուամենիին, հայտնում է Defensa Central-ը։
Աղբյուրի համաձայն՝ անգլիական ակումբը ֆուտբոլիստի տրանսֆերի համար «Ռեալին» առաջարկել է 60 միլիոն եվրո, սակայն Մադրիդում այս առաջարկը մերժվել է։ Մադրիդի «Ռեալը» հետաքրքրված է կիսապաշտպանի հետ հետագա համագործակցությամբ՝ նրան տեսնելով որպես թիմի առանցքային ֆուտբոլիստ։
Չուամենին «Ռեալի» շարքերը համալրել է 2022 թվականի ամռանը։ Իսպանիայի առաջնության վերջին մրցաշրջանում կիսապաշտպանը անցկացրել է 33 հանդիպում, դառնալով՝ չորս գոլային փոխանցման հեղինակ։
