«Բավարիայի» ղեկավարները կարծում են, որ ամռանը դժվար կլինի պայմանագիր կնքել «Վեսթ Հեմի» կիսապաշտպան Դեկլան Ռայսի հետ։
Այսպիսով՝ մյունխենյան ակումբը խաղադաշտի միջին գիծն ուժեղացնելու այլընտրանքային տարբերակ է գտել։
«Բավարիան» թիրախավորել է «Ֆիորենտինայի» ֆուտբոլիստ Սոֆյան Ամրաբատին: Այս մասին սոցիալական ցանցերում հայտնել է լրագրող Ֆիլիպ Քեսլերը։
Նշվում է, որ 26-ամյա Սոֆյան Ամրաբատը գտնվում է նաև «Բարսելոնայի», Մադրիդի «Ատլետիկոյի» և «Մանչեսթեր Յունայթեդի» դիտակետում։
Ամրաբատի գործող պայմանագիրը «Ֆիորենտինայի» հետ նախատեսված է մինչև 2024 թվականը։
