«Սելտայի» կիսապաշտպան Գաբրի Վեյգան կարող է տեղափոխվել «Նյուքասլ Յունայթեդ», հայտնում է Marca-ն:
Աղբյուրի համաձայն՝ անգլիական ակումբը 21-ամյա իսպանացու հետ պայմանագիր կնքելու լավագույն հնարավորությունն ունի։
Կիսապաշտպանի պայմանագրում նախատեսված է 30 միլիոն եվրո հրաժարագին:
Ավելի վաղ հաղորդվում էր, որ ֆուտբոլիստով հետաքրքրված են նաև Մադրիդի «Ռեալը» և «Մանչեսթեր Սիթին»:
Հաղորդվում է, որ մադրիդցիները չեն ծրագրում պայմանագիր կնքել Վեյգայի հետ, քանի որ շուտով կհայտարարեն Դորտմունդի «Բորուսիայի» կիսապաշտպան Ջուդ Բելինգհեմի տեղափոխության մասին։
Այս մրցաշրջանում Վեյգան Լա Լիգայում անցկացրել է 35 հանդիպում՝ դառնալով 9 գոլի և 4 գոլային փոխանցման հեղինակ։
Portal Transfermarkt-ը ֆուտբոլիստի արժեքը գնահատում է 30 միլիոն եվրո:
