«Բավարիայի» գլխավոր մարզիչ Թոմաս Տուխելը 2022/23 մրցաշրջանը հաջող չի համարի նույնիսկ եթե թիմին հաջողվի չեմպիոն դառնալ։ 2012 թվականից ի վեր առաջին անգամ «Բավարիան» կանգնած է առանց չեմպիոնության մնալու վտանգի տակ, մրցաշրջանի ավարտից մեկ տուր առաջ մյունխենցիները 1 միավոր են զիջում Դորտմունդի «Բորուսիային» մրցաշարային աղյուսակում։
«Սա մեր սեփական մեղքն է, մեր պատասխանատվությունը: Իհարկե, կփորձենք, քանի որ պարտավոր ենք ամենայն բարիք տալ մինչև վերջ։
Սա այն մրցաշրջանը չէ, որով մենք կարող ենք գոհ լինել: Սա այն մրցաշրջանը չէ, որում մենք բավականաչափ միավորներ ենք վաստակել, որում գոհ ենք մեր խաղի որակից։ Անկախ նրանից, թե ինչպես կավարտվի, այս մրցաշրջանն ամեն դեպքում գոհացուցիչ չի լինելու», – Տուխելի խոսքերը մեջբերում է Goal-ը։
