Շոտլանդացի պաշտպան Էնդրյու Ռոբերտսոնը, ում տրանսֆերային իրավունքները պատկանում են «Լիվերպուլին», հայտնվել է Մադրիդի «Ռեալի» դիտակետում:
Միաժամանակ, ինչպես իր սոցցանցերում նշել է ինսայդեր Ռուդի Գալետին, ակումբների միջև բանակցությունները դեռ չեն սկսվել։
Լրագրողը հայտնում է նաև, որ թիմի գլխավոր մարզիչ Յուրգեն Կլոպը չի պատրաստվում նրան բաց թողնել։
Պաշտպանի գործող պայմանագիրը մերսիսայդյան ակումբի հետ նախատեսված է մինչև 2026 թվականի կեսերը:
Անգլիայի Պրեմիեր Լիգայի ընթացիկ մրցաշրջանում 29-ամյա ֆուտբոլիստը մասնակցել է 34 հանդիպման:
Ռոբերտսոնը ութ գոլային փոխանցում է կատարել և երեք դեղին քարտ ստացել։