Իսպանիայի հավաքականի գլխավոր մարզիչ Լուիս դե լա Ֆուենտեն կարող է լքել պաշտոնը, հայտնում է Cadena Ser-ը։

Հրատարակության համաձայն՝ մասնագետի ապագան կախված է հունիսի կեսերին Իսպանիայի հավաքականի ելույթների արդյունքներից Ազգերի Լիգայում։

Հաղորդվում է, որ մարզիչը ծայրահեղ դժգոհ է Իսպանիայի ֆուտբոլի թագավորական ֆեդերացիայից և ազգային հավաքականի ֆուտբոլիստներից։

Դե լա Ֆուենտեն Իսպանիայի հավաքականը գլխավորել է 2023 թվականի հունվարին։

Նրա գլխավորությամբ թիմն անցկացրել է հինգ հանդիպում, որոնցում տարել է չորս հաղթանակ և կրել մեկ պարտություն։