Մադրիդի «Ռեալի» գլխավոր մարզիչ Կառլո Անչելոտտին հայտարարել է, որ թիմի կիսապաշտպան Լուկա Մոդրիչը կմասնակցի Չեմպիոնների Լիգայի կիսաեզրափակչի «Մանչեսթեր Սիթիի» դեմ առաջին հանդիպմանը։
«Երբ Մոդրիչն իրեն լավ է զգում, նա խաղում է: Հիմա նա իրեն լավ է զգում, իսկ այսօր կխաղա։ Ո՞վ կձևավորի կիսապաշտպանության գիծը. Ես ձեզ կասեմ՝ դա կլինի Մոդրիչը և ևս երկու ֆուտբոլիստներ»,- Անչելոտտիի խոսքերն է մեջբերում Marca-ն։
Նշենք, որ Մոդրիչը ազդրի վնասվածք էր ստացել ապրիլի 25-ին «Ժիրոնայի» դեմ խաղում:
