«Բավարիայի» պաշտպան Նուսաիր Մազրաուին խոսել է թիմում իր խաղաժամանակի մասին.
«Եթե նայեք ամբողջ մրցաշրջանի երկրորդ կեսին, ապա ես խաղում եմ թիմում այն պատճառով, որ մյուսները վնասվածքներ ունեն:
Ակումբում բոլորին, այդ թվում՝ մարզիչներին ասում եմ՝ երբ անհրաժեշտ լինի, ես պատրաստ եմ օգնել թիմին»,- Մազրաուիի խոսքերն է մեջբերում լրագրող Ֆաբրիցիո Ռոմանոն։
Ըստ ինսայդերի՝ 25-ամյա ֆուտբոլիստը շուտով որոշում կկայացնի իր ապագայի վերաբերյալ։
Մազրաուին «Բավարիայում» հանդես է գալիս 2022 թվականի ամռանից։
Այս մրցաշրջանում նա գերմանական թիմի կազմում անցկացրել է 23 հանդիպում և կատարել 3 գոլային փոխանցում։ Պայմանագիրը նախատեսված է մինչև 2026 թվականի ամառ։
