«Բարնլին» հայտարարել է գլխավոր մարզիչ Վենսան Կոմպանիի հետ պայմանագիրը հինգ տարով երկարաձգելու մասին:
«Առաջին օրվանից ես ինձ հիանալի եմ զգում այս ակումբում, ուստի կարծում եմ, որ ճիշտ որոշում եմ կայացրել ևս հինգ տարի մնալ «Բարնլիում»:
Մենք երկրպագուների հետ միասին կարողացանք մեր մարզադաշտը վերածել ամրոցի և շարունակել աշխատել օրեցօր ավելի լավը դառնալու համար»,- «Բարնլիի» պաշտոնական կայքը մեջբերում է Կոմպանիի խոսքերը:
Նշենք, որ «Բարնլին» բելգիացի մասնագետի գլխավորությամբ ժամանակից շուտ դարձավ չեմպիոն եւ հաջորդ մրցաշրջանում հանդես կգա Անգլիայի Պրեմիեր Լիգայում։