«Յուվենտուսը» պատրաստ է այս ամառ բաժանվել թիմի կիսապաշտպան Սամուել Իլինգից, հայտնում է La Gazzetta dello Sport-ը:

Աղբյուրի համաձայն՝ թուրինցիները ցանկանում են նրա դիմաց ստանալ 11 միլիոն եվրո։ Թուրինի «Յուվենտուսի» գլխավոր մարզիչ Մասիմիլիանո Ալեգրին նախընտրում է ավելի փորձառու Ֆիլիպ Կոստիչին:

Նշենք, որ Անգլիայի երիտասարդական հավաքականի խաղացողի նկատմամբ հետաքրքրություն են ցուցաբերում Պրեմիեր Լիգայի շատ ակումբներ։

Ընթացիկ մրցաշրջանում 19-ամյա կիսապաշտպանը մասնակցել է 23 հանդիպման՝ դառնալով 5 գոլի և 4 գոլային փոխանցման հեղինակ։