«Մանչեսթեր Յունայթեդի» երկու ֆուտբոլիստներ կարող են կարիերան շարունակել Իտալիայի առաջնությունում։
Inter Live-ի տեղեկություններով՝ Միլանի «Ինտերի» շարքերը կարող են համալրել պաշտպան Վիկտոր Լինդելոֆը և հարձակվող Անտոնի Մարսիալը։
Անգլիական գրանդը ցանկանում է նրանց համար ստանալ ընդհանուր 35 միլիոն եվրո։
Եթե կողմերը պայմանավորվեն, ապա գործարքը կարող է ավարտվել ամառային տրանսֆերային պատուհանի ընթացքում։
Լինդելոֆն ընթացիկ մրցաշրջանում Անգլիայի Պրեմիեր լիգայում անցկացրել է 11 հանդիպում:
Իր հերթին Մարսիալը նույնքան հանդիպում է անցկացրել, որոնցում խփել է երեք գոլ և կատարել երկու գոլային փոխանցում։