«Բարսելոնայի» նախկին պաշտպան Ժերար Պիկեն խոսել է ՊՍԺ-ի հարձակվող Լիոնել Մեսսիի՝ «Բարսելոնա» հնարավոր վերադարձի մասին:
«Ես ճանաչում եմ Ռաֆա Յուստեին և գիտեմ, թե ով է նա: Նա շատ լավ մարդ է և միշտ կասի այն, ինչ ուզում ես լսել։ Դրանից բացի ուրիշ բան չկա, որքան գիտեմ։
Իհարկե, ամբողջ «Բարսելոնայի» համար անհավատալի կլիներ, եթե Լեոն վերադառնա, բայց գալիս է մի պահ, երբ իրավիճակի նման պարտադրումը կարող է նույնիսկ հակաարդյունավետ լինել:
Ես կթողնեի, որ դա ընթանա իր հունով, որպեսզի դա տեղի ունենա բնական ճանապարհով: Եթե երկու կողմերն էլ մտադրություն ունեն, ապա ֆուտբոլային աշխարհում գործարք միշտ կարող է կայանալ, քանի դեռ երկու կողմերն էլ դա են ցանկանում։ Իսկ թե ինչ կլինի վերջում, ցույց կտա ժամանակը»,- Պիկեի խոսքերը մեջբերում է Mundo Deportivo-ն։
