«Այաքսի» կենտրոնական պաշտպան Յուրիեն Թիմբերը Մյունխենի «Բավարիայի» տրանսֆերային թիրախում է:
Մյունխենյան գրանդի սկաուտները երկար տարիներ հետևում են հոլանդացի ֆուտբոլիստի ելույթներին։
Լրագրող Քերի Հաուի խոսքով՝ 21-ամյա ֆուտբոլիստը կարող է պայմանագիր կնքել «Բավարիայի» հետ, եթե հեռանա Բենժամեն Պավարը, ով դեռ չի երկարաձգել 2024 թվականին ավարտվող պայմանագիրը։
Յուրիեն Թիմբերն ընթացիկ մրցաշրջանում ներկայիս թիմի կազմում անցկացրել է 36 հանդիպում՝ դառնալով մեկ գոլի և երկու գոլային փոխանցման հեղինակ:
