Եվս մեկ մրցաշրջան ավարտվեց Անտոնիո Կոնտեի և անգլիական թիմի համար, քանի որ «Թոթենհեմի» գիշերն ավարտվեց գոռգոռոցներով, հիասթափությամբ և կարմիր քարտով:
Անտոնիո Կոնտեի համար դա սպառնում է սարսափելի ծանր լինել, քանի որ երկրպագուները ծաղրում էին թիմին ընդմիջման և հիմնական ժամանակից հետո, և նրա փոխարինումների համար դժգոհություններ կային: Քրիստիան Ռոմերոն հեռացվեց երկրորդ դեղին քարտի պատճառով, երբ մնացել էր ընդամենը 12 րոպե, և նրա կարգապահության բացակայությունը ամփոփեցին անփույթ խաղը, որը երբեք նման չէր ոչ ոքի անգամ:
«Թոթենհեմն» այնքան հանգիստ էր, որ դուք երբեք չէիք իմանա, որ վտանգված է Չեմպիոնների Լիգայի քառորդ եզրափակիչի ուղեգիրը։ Սակայն, շատ բան է ասում երկրպագուների տրամադրությունն և հիասթափությունը: Լեղապարկի շտապ վիրահատությունից հետո երեք շաբաթվա ընթացքում առաջին անգամ վերադառնալով խաղադաշտ՝ իր ծրագրային նշումներն օգտագործել էր «Սփըրսի» երկրպագուներին խնդրելու «մարզադաշտում այնքան մեծ եռանդով երկրպագել, որքան երբևէ չի էլ եղել»:
Նրանք այնքան էլ վատ մթնոլորտ չստեղծեցին, բայց իրենց ձայնը լսելի դարձրին ընդմիջման ժամանակ, երբ նրանք սուլեցին թիմին, իսկ եզրափակիչ սուլիչից հետո դա էլ ավելի բարձրացավ: Նրանք նաև ծաղրեցին, երբ Կոնտեն փոխարինեց վինգեր Դեյան Կուլուշևսկուն կենտրոնական կիսապաշտպան Դավինսոն Սանչեսի փոխարեն:
«Սփըրսի» գլխավոր մարզիչը փորձում էր պաշտպանել Ռոմերոյին կարմիր քարտից հետո, բայց, անկասկած, նա կորցնելու ոչինչ չուներ: Հին սովորությունները դժվարությամբ են մահանում Կոնտեի համար։ Մնում է միայն Պրեմիեր Լիգայի լավագույն քառյակում տեղ զբաղեցնելը, բայց որևէ գավաթի համար նրանց չպայքարելը կարող է պարզապես ի վերջո արժենալ Հարրի Քեյնի հեռացման։
Քեյնը, ինչպես «Թոթենհեմի» ցանկացած խաղացող, մոտ էր գոլ խփելուն։ Լրացուցիչ ժամանակում կատարած գլխի հարվածը փայլուն կերպով փրկեց դարպասապահը։ Կոնտեի ապագան նույնպես լուրջ կասկածի տակ է, քանի որ նրա պայմանագիրն ավարտվում է այս ամառ։ Ճանապարհների բաժանումը գրեթե անխուսափելի է թվում, և միգուցե շատ երկրպագուների սիրտը չի ցավի դրանից:
Արդյո՞ք Անտոնիո Կոնտեն հաջորդ մրցաշրջանում կգլխավորի «Թոթենհեմը»:
«Թոթենհեմի» գլխավոր մարզիչը կարող է փրկել մրցաշրջանը՝ կրկին զբաղեցնելով լավագույն քառյակում, և միգուցե դա կարդարացնի նրա տարեկան 15 միլիոն ֆունտ ստեռլինգի պայմանագիրը, եթե նա կարողանա անել այդ երկու սեզոն անընդմեջ: Բայց երկարաժամկետ հեռանկարում դա այնքան էլ հարմար չէ, քանի որ «Թոթենհեմի» երկրպագուները միշտ պահանջել են ավելի ոճային և գրավիչ ֆուտբոլ, քան Կոնտեն է ներկայացնում։
Անշուշտ, չկար փառահեղ, ցնցող գիշեր, որը երկրպագուները հպարտությամբ պիտի հիշեին: Փոխարեն եղան դեպքեր, ինչպիսիք են Ռոմերոյի և Կլեման Լանգլեինը, ովքեր արդեն մեկ խաղ որակազրկումից հետո դեղին քարտ ստացան 22 րոպեի ընթացքում:
«Միլանը» Իտալիայի գործող չեմպիոնն է, բայց դա հազիվ թե նկատելի լիներ։ Բրահիմ Դիասը 51-րդ րոպեից հետո միայն ստիպեց առաջին նշանակալից սեյվը կատարել երկու դարպասապահներից մեկին՝ «Թոթենհեմի» դարպասապահին՝ Ֆրեյզեր Ֆորսթերին, որը մոտ տարածությունից որսաց գնդակը: «Միլանի» անգլիացի պաշտպան Ֆիկայո Տոմորին գերազանց էր խաղում թիկունքում: Պիեռ-Էմիլ Հոյբերգը ստիպեց պատշաճ գործել, բայց ցանկացած ինտրիգ կորավ, երբ Ռոմերոն ստացավ իր երկրորդ դեղինը՝ կատաղի, անիմաստ մարտահրավեր նետելով Թեո Էրնանդեսին:
«Թոթենհեմը» սար ուներ, որը պետք է բարձրանար, և սա երբեք նման չէր դա անելուն: «Միլանի» պաշտպանությունն ամուր էր և հյուրերի դարպասապահ Մայք Մենյանը ավելացված ժամանակում կատարեց հիանալի սեյվ Քեյնի գլխի հարվածից հետո: «Միլանի» կազմում փոխարինման դուրս եկած Դիվոկ Օրիգին հարվածեց դարպասաձողին և, ի վերջո, «Թոթենհեմը» չկարողացավ շրջել խաղի արդյունքը:
«Թոթենհեմի» ղեկավարությունը պետք է լրջորեն քայլեր ձեռնարկի գլխավոր մարզչի հետ կապված։ Անտոնիո Կոնտեն որքան էլ հիանալի մարզիչ է, միևնույն է, նա այս թիմի հետ նշանակալի հաջողության չի կարողանում հասնել։
Կմնա՞ և կշարունակի՞ այս ամռանից հետո Անտոնիո Կոնտեն իր աշխատանքը անգլիական թիմում։ Գուցե, սակայն գուցե նաև ոչ։
