Կիսապաշտպան Մարկո Ասենսիոն խոստովանել է, որ Մադրիդի «Ռեալից» ցանկանում է տեղափոխվել «Բարսելոնա»:
Ինչպես հայտնում է Diario Sport-ը, ֆուտբոլիստը զայրացած է մադրիդյան ակումբի և գլխավոր մարզիչ Կառլո Անչելոտտիի վրա՝ 2023 թվականին խաղադաշտում քիչ ժամանակ անցկացնելու համար։ Ուստի նա դժգոհ է մնացել, որ մարտի 5-ին «Բետիսի» հետ խաղում (0:0) իտալացի մարզիչը ստիպել է կես ժամից ավելի տաքանալ, սակայն այդպես էլ խաղադաշտ դուրս չի թողել։
Եթե ավելի վաղ ենթադրվում էր, որ իսպանացին կարող է երկարաձգել պայմանագիրը ներկայիս թիմի հետ, ապա այժմ նա լրջորեն մտածում է, թե ինչպես ամռանը հեռանա ազատ գործակալի կարգավիճակով։
Նա պատրաստ է լսել «Բարսելոնայի» առաջարկը, թեև կատալոնացիներն իրենք դեռ ոչինչ չեն արել այս հարցում։
«Բլաուգրանան» պարզապես վերահսկում է իրավիճակը եւ չի ցանկանում միջամտել տեղի ունեցողին։ Միաժամանակ «Արսենալն» ու «Միլանը» կապի մեջ էին Ասենսիոյի շրջապատի հետ։
Այս մրցաշրջանում կիսապաշտպանը Լա Լիգայում անցկացրել է 18 հանդիպում և դարձել 4 գոլի հեղինակ։
