«Լիվերպուլի» հարձակվող Մուհամեդ Սալահը կիսվել է իր հույզերով այն բանից հետո, երբ իր թիմի կազմում գերազանցել է Պրեմիեր Լիգայում գոլերի ռեկորդը։
«Դա շատ յուրահատուկ բան է, ես այլ կերպ չեմ կարող նկարագրել իմ զգացմունքները: Այս ձեռքբերումը միշտ եղել է իմ մտքում այն պահից, ինչ տեղափոխվել եմ այստեղ: Կարծում եմ՝ իմ առաջին մրցաշրջանից հետո, երբ Պրեմիեր Լիգայում 32 գոլ խփեցի, միշտ ձգտել եմ գերազանցել այս ռեկորդը։ Նրան այսօր նվաճելը «Յունայթեդի» դեմ և նման արդյունքով անհավանական է»,- Սալահի խոսքերն է մեջբերում The Independent-ը:
Ընթացիկ մրցաշրջանում 30-ամյա եգիպտացին «Լիվերպուլի» կազմում բոլոր մրցաշարերում անցկացրել է 37 հանդիպում՝ դառնալով 22 գոլի և 11 գոլային փոխանցման հեղինակ:
