«Բարսելոնայի» կիսապաշտպան Սերխիո Բուսկետսը դեռ չի կողմնորոշվել իր ապագայի հարցում:
Ինչպես հայտնի էր դարձել օրեր առաջ, 34-ամյա ֆուտբոլիստին շուտով նոր պայմանագիր կառաջարկեն։
Լրագրող Գաբրիել Սանսի թարմացված հաղորդագրության համաձայն՝ առաջիկա օրերին կկայանա ակումբի ղեկավարության և «Բարսելոնայի» ավագի ներկայացուցիչների հանդիպումը։ Կողմերը պետք է որոշեն հետագա համագործակցության պայմանները։
Նշենք, որ ֆուտբոլիստի պայմանագիրը «Բարսելոնայի» հետ ավարտվում է ընթացիկ մրցաշրջանի վերջում:
