Մյունխենի «Բավարիայի» գործադիր տնօրեն Օլիվեր Կանն քննադատել է թիմի հիմնական դարպասապահ Մանուել Նոյերին:
«Մանուելի խոսքերը չեն համապատասխանում ավագի կարգավիճակին ու «Բավարիայի» արժեքներին:
Նրա հայտարարությունը ճիշտ պահին չէր, քանի որ առաջիկայում կարևոր խաղեր կան: Լուրջ խոսակցություն կանցկացնենք նրա հետ»,-Կանի խոսքը մեջբերում է Bild-ը:
Հիշեցնենք, որ Մանուել Նոյերը դժգոհություն էր հայտնել իր ընկեր, մյունխենյան ակումբի դարպասապահների արդեն նախկին մարզիչ Տոնի Տոպալովիչի հեռացման վերաբերյալ:
42-ամյա գերմանացին «Բավարիայում» աշխատում էր 2011 թվականից:
