ՄԼՍ ակումբը դիտարկում է իսպանացի կիսապաշտպան Իսկոյին գնելու տարբերակը։
Ինչպես հայտնում է AS-ը, «Լոս Անջելես Գելեքսիի» թիմն ակնհայտ հետաքրքրություն ունի ֆուտբոլիստի նկատմամբ, ով «Սևիլիայի» հետ պայմանագրի խզումից հետո ներկայումս ազատ գործակալի կարգավիճակում է։
Իսկոն կարող է միանալ իր հայրենակից Ռիկի Պուչուին, ով արդեն հանդես է գալիս Լոս Անջելեսի ակումբում։
Ղեկավարությունը կարծում է, որ «Սևիլիայի» նախկին ֆուտբոլիստը կօգնի առողջ մրցակցություն ստեղծել և պայքարել մեկնարկային կազմում տեղի համար։