«Արսենալի» հարձակվող Գաբրիել Մարտինելլին ցանկանում է մնալ ակումբում՝ չնայած «Բարսելոնայի» հետաքրքրությանը, հայտնում է Sport.es-ը:
«Բարսան» տեղեկություն է խնդրել 21-ամյա վինգերի առկայության մասին, սակայն տեղեկացել է, որ ֆուտբոլիստը շահագրգռված չէ հեռանալ և նախատեսում է նոր պայմանագիր կնքել լոնդոնցիների հետ:
Մարտինելիի և «զինագործների» միջև գործող պայմանագիրը նախատեսված է մինչև 2024 թվականի ամառը: Portal Transfermarkt-ը ֆուտբոլիստի արժեքը գնահատում է 60 միլիոն եվրո:
Այս մրցաշրջանում հարձակվողը մասնակցել է 17 խաղի՝ դառնալով 5 գոլի և 2 գոլային փոխանցման հեղինակ։
