ՊՍԺ-ի և Ֆրանսիայի ազգային հավաքականի հարձակվող Կիլիան Մբապպեն երկուշաբթի բաց է թողել ազգային թիմի մարզումը:
Լրագրող Ֆրանսեսկ Ագիլարը տեղեկացնում է, որ Կիլիանը մարզվել է մարզասրահում:
«Կիլիան Մբապեն մարզվել է մարզասրահում և դա է ընդհանուր խմբից նրա բացակայության պատճառը: Անհանգստանալու ոչինչ չկա»,- գրել է լրագրողը Թվիթերում:
Հիշեցնենք, որ Ֆրանսիայի հավաքականը աշխարհի առաջնության քառորդ եզրափակիչում կմրցի Անգլիայի հետ: Հանդիպումը կմեկնարկի դեկտեմբերի 10-ին՝ Երևանի ժամանակով 23:00-ին:
