Կոնֆերենցիաների լիգայի խմբային փուլի վերջին տուրում Երևանի «Փյունիկը» «Հանրապետական» մարզադաշտում կմրցի շվեյցարական «Բազելի» հետ։
Կայացել է «Փյունիկի» գլխավոր մարզիչ Եղիշե Մելիքյանի նախախաղային ասուլիսը։
«Մենք մարտական տրամադրված ենք լինելու, և շատ մեծ ցանկություն ունենք հաղթելու: Պատրաստ ենք ու կարծում եմ, որ խնդիրներ չունենք: Մինչև վերջին րոպեն պայքարելու ենք հաղթանակի համար:
Բարդ է լինելու, բայց ոչ անհնարին:Եթե ստացվի մեր պլանավորածը տեղափոխել խաղադաշտ, ապա հաջողությունը մեզ հետ կլինի:
Ուզում եմշնորհակալություն հայտնել մեր ղեկավարությանը, որ ամեն հարցում օգնում են մեզ», – ասել է Եղիշե Մելիքյանը:
