«Մանչեսթեր Յունայթեդի» դարպասապահ Դավիդ Դե Խեան կարող է կարիերան շարունակել Իտալիայի առաջնությունում։

«Յուվենտուսը»  հետաքրքրություն է ցուցաբերում 31-ամյա իսպանացու նկատմամբ, հայտնում է Daily Mirror-ը:

Թուրինյան ակումբը մտադիր է ֆուտբոլիստի հետ անվճար պայմանագիր կնքել 2023 թվականի ամռանը, երբ ավարտվի նրա գործող պայմանագիրը «Մանչեսթեր Յունայթեդի» հետ։

Կողմերի միջև գործող պայմանագրով նախատեսված է նաև այն մինչև 2024 թվականը երկարաձգելու հնարավորություն։

Այնուամենայնիվ, «Մանչեսթեր Յունայթեդը» չի ցանկանում  երկարաձգել Դե Խեայի պայմանագիրը ֆուտբոլիստի բարձր աշխատավարձի պատճառով: