«Չելսիի» գլխավոր մարզիչ Գրեհեմ Փոթերը դիտարկում է «Միլանի» կիսապաշտպան Իսմայել Բենասերին հունվարին ձեռք բերելու տարբերակը, հայտնում է Calciomercatoweb-ը:

Ըստ աղբյուրի՝ ալժիրցի ֆուտբոլիստի նկատմամբ հետաքրքրություն են հայտնել եվրոպական մի քանի առաջատար ակումբներ, և «ռոսոներիները» թույլ չեն տա նրան հեռանալ 40-50 միլիոն եվրոյից պակաս գումարով:

Սեպտեմբերի 12-ին հաղորդվում էր, որ «Միլանը» նոր պայմանագիր է առաջարկել Բենասերին։

Ընթացիկ մրցաշրջանում 24-ամյա կիսապաշտպանը 7 հանդիպում է անցկացրել Ա Սերիայում և դարձել մեկ գոլի հեղինակ:

Նրա ներկայիս պայմանագիրն ակումբի հետ նախատեսված է մինչև 2024 թվականի հունիսը:

Portal Transfermarkt-ը խաղացողի արժեքը գնահատում է 33 միլիոն եվրո։