«Լացիոյի» կիսապաշտպան Սերգեյ Միլինկովիչ-Սավիչը տպավորիչ նվաճման է հասել:
Եվրոպա Լիգայի՝ «Ֆեյենորդի» դեմ նախօրեին կայացած հանդիպումը 27-ամյա սերբի համար 300-րդն էր թիմի կազմում։ Կիսապաշտպանը խաղադաշտ դուրս եկավ 70-րդ րոպեին: Հռոմեացիները 4:2 հաշվով հաղթանակ տարան:
Միլինկովիչ-Սավիչը «Լացիոյի» գույները պաշտպանում է 2015 թվականի օգոստոսից։ Ընդհանուր առմամբ, նա բոլոր մրցաշարերում «արծիվների» կազմում դարձել է 58 գոլի և 49 գոլային փոխանցման հեղինակ։
