Կատալոնական «Բարսելոնան» չի կարողացել գրանցել ակումբի բոլոր նորեկներին, ինչպես նաև իսպանացի կիսապաշտպան Սերժի Ռոբերտոյին և ֆրանսիացի հարձակվող Ուսման Դեմբելեին Լա Լիգայում: Այդ մասին թվիթերյան էջում գրում է լրագրող Քրիստիան Ստյուարտը։
Այս իրավիճակի պատճառը ակումբում առկա ֆինանսական խնդիրներն են:
Այսպիսով՝ Ֆրանկ Կեսիեն, Անդրեաս Քրիստենսենը, Ռաֆինյան, Ռոբերտ Լևանդովսկին և Ժյուլ Կունդեն չեն օգնի թիմին Իսպանիայի առաջնության խաղերում, քանի դեռ ակումբը չի կարգավորել աշխատավարձների ֆոնդը:
Հավելենք, որ կատալոնական ակումբը Լա լիգայում առաջին հանդիպումը կանցկացնի օգոստոսի 14-ին մրցելով՝ «Ռայո Վալյեկանոյի» դեմ։
