«Ինտերի» գլխավոր մարզիչ Սիմոնե Ինձագին միլանյան ակումբի ղեկավարությանը խնդրել է չվաճառել պաշտպաններ Միլան Շկրինյարի և Դենզել Դյումֆրիսի տրանսֆերները։ Ինչպես հայտնում է La Gazzetta dello Sport-ը՝ իտալացի մասնագետը կցանկանար հաջորդ մրցաշրջանում իր թիմում տեսնել երկու ֆուտբոլիստին էլ։

Շկրինյարի հետ ներկայումս փորձում է պայմանագիր կնքել ՊՍԺ-ն, սակայն փարիզյան ակումբը դեռ պատրաստ չէ վճարել սլովակ ֆուտբոլիստի տրանսֆերի համար պահանջվող 70 միլիոն եվրոն: 

Ինչ վերաբերում է Դյումֆրիսին, ապա նրա հետ պայմանագիր կնքելու երկու հավակնորդ կա՝ «Չելսին» և «Մանչեսթեր Յունայթեդը»:

«Ինտերի» ղեկավարությունն այս ամռանը պետք է բաժանվի առնվազն երկու առանցքային ֆուտբոլիստից, որպեսզի լուծի իր ֆինանսական խնդիրները: