«Վոլֆսբուրգի» մամուլի ծառայությունն իր պաշտոնական կայքում հայտնել է Զագրեբի «Դինամոյի» պաշտպան Բարտոլ Ֆրանյիչի տրանսֆերի մասին։
22-ամյա ֆուտբոլիստի հետ պայմանագիր է կնքվել մինչև 2027 թվականի ամառ ժամկետով։ Խորվաթը հանդես կգա 38-րդ համարի ներքո։
Տրանսֆերի գումարի չափը չի նշվում։ ԶԼՄ-ների տեղեկություններով՝ տեղափոխության արժեքը կազմել է 7,5 մլն եվրո։
Նախորդ մրցաշրջանում Ֆրանյիչը «Դինամոյի» կազմում բոլոր մրցաշարերում անցկացրել է 40 հանդիպում՝ դառնալով 1 գոլի և 3 գոլային փոխանցման հեղինակ։
