Առաջիկայում «Յուվենտուս» կվերադառնա կիսապաշտպան Պոլ Պոգբան։ 29-ամյա ֆրանսիացին «Մանչեսթեր Յունայթեդի» հետ պայմանագրի ժամկետի ավարտից հետո թուրինյան ակումբ կտեղափոխվի անվճար տրանսֆերով։
Ինչպես հայտնում է Corriere della Sera-ն՝ Թուրինում Պոգբան ապրելու է շքեղ առանձնատանը, որը մինչև 2021 թվականի օգոստոսը վարձակալել է «Յուվեի» նախկին հարձակվող Կրիշտիանու Ռոնալդուն։
Վիլլան ունի մարզասրահ, սպա, լողավազան, սաունա, չորս ննջասենյակ, առանձին լյուքս, անձնակազմի համար սենյակներ, հսկայական այգի, մեծ ավտոտնակ, անվտանգության ծառայություն։
